صارت صعبة

موضوع: صارت صعبة الجمعة مارس 23, 2012 10:23 pm

صارت صعبة ماعوفك بعد هيهات
اني شلون اعوفك وانت امنيتي
واذا عفتك حبيبي تختنك هالروح
يمر بية الهوا وما يدخل بريتي
واذا عافتك روحي اتبره من الروح
وانكر نفسي آني وامحي جنسيتي
صفت نيتي اضل وياك للدوم
وطول العمر بيك مصفية نيتي
يل حبك حنان يعوض اللي راح
يل بس بيك احس بهاي حنّيتي
اذا كتلي احبج وهمست بذناي
احس الاذن ذابت بيها ترجيتي

وآه ياليل اليمر طوّل بعد يا ليل
خلي النار تبرد وينطفي الشوكَ
يل فوك الرمش شايلتك العين
واعلى من الكَمر انت التضل فوك
احبك واعشك عيونك وانا اهواك
يل كلمة حبيبي بس عليك تلوكَ

واحبك واعشكك يل بيه انت الروح
يمر نار الوكت لو لحظة اشتاكَ
جذب مو عشك هذا يمكن جنون
واذا هيج اعشكك ما يضل عشاك
وبس ادعي نضل للدوم متصافين
وربي لا يجيب ايام الفراك