عاشق الانمي
اهلا وسهلا بك زائرنا الكلريم اذا كانت هذه زيارتك الاولى للمنتدى فتفضل بالتسجيل لكي تكون احد اعضاء اسرة المنتدى او تفضل بزيارة القسم الذي تريد (تذكر زائرنا العزيز ان تسجيلك في المنتدى سوف يزيد من الاعضاء في المنتدى وسوف تزداد جهود الادارة في خدمة رواد المنتدى

عاشق الانمي

3asqanime.forumarabia.com
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول


   
    
  
    
  



شاطر | 
 

 محاورة بين طالبة وطالب جامعي بعد ما تخرجى من الجامعة

اذهب الى الأسفل 
كاتب الموضوعرسالة
شمس الرافدين
:
:
avatar





عدد المساهمات : 405
تاريخ التسجيل : 04/11/2011

مُساهمةموضوع: محاورة بين طالبة وطالب جامعي بعد ما تخرجى من الجامعة   الأربعاء أبريل 25, 2012 4:48 pm

[size=25]محاورة بين طالبة وطالب جامعي

بعد ما تخرجى من الجامعة



الطالبة
ـــــــــــــ
مثل الحلم مرّت اربع اسنين
وهذا اليوم ، آخر يوم وياك
اذا بالبو گة باجر اسمع الصوت ..
بعد حسرة عليّة ايصير ملگاك
من دونك بعد شيگضي الايام
مدري اشلون اگضيهن بلياك
اذبل مثل وردة او اوصل الموت
اذا ما شفت حل ، او طوّل اجفاك
لو بيدي ، اشلعه الگلب وارتاح
واگلك لو رحت ... اخذ الگلب هاك
حال الصخرة حاله ابين الضلوع
لاحس لانِفس من غير دنياك
عوّدته عليك ، او ادمنك شوگ
اذا تمشي اويه دمه اشلون ينساك
يااا مملوح .. يا محبوب الاطباع
سخي ربك وياك او كلشي انطاك
سمار او طول تلتذ بيه العيون
معقوله انت هَم من طين سواك ؟
وانطاني الولع بيك او هالتشوف
اتبع باقي عطرك واثر ممشاك
بعدك .. من يگلي الصبح لو جيت ؟؟؟
صباح الحب ..... عسل تنطقها بشفاك
انت هنا الي ، اهل او دفو ، او بيت
وبعيوني غُرب كل ناسي الهناك
واحس ثلج الله كله ابهمسك ايذوب
او يطگ خصري ورد لو لفّه يمناك
ولك .. اگرب عليْ ياطيب الانفاس
هذا اليوم .. آخر يوم وياك
حيل آنه ارد اشمك مثل غركان
شهگه او تالي اصيرن حصة الماي
انا ابيا عين اودعك يا ضوه العين
او منك حتى اصبر .. شاخذ اوياي
ــــــــــــــــــــــــــــــــــــــــــــــــــ ــــــــــــــ
الطالب
ــــــــــــ
احس مكسور ، كل ما بيه مكسور
وگزاز الروح مدري اشلون اطلعه ؟
شبّت الف جمره ابين الضلوع
وكل جمرة فلا تطفيها دمعه
اذا مكتوب اودعج آنه هاليوم ..
گلبي اوياج لازم هَم اودعه
محتاج اصدقائي او اهلي والناس
يواسوني عليچ او حزني اجرعه
بحصاد الزرع نخوه تفزع الناس
بحصاد الحزن هَم يراد فزعه
سعيت او خان بيه الحيل مرات
او هاي اربع اسنين او آنه اسعه
واعدتج اجيب الشمس الچ تاج
او صح تالي الوعد ما جبت شمعه
اشيصد منهن ، اذا اسيوف الوكت نار
فارس من گطن والورق درعه
يدارون الغني ، ليلوحه تقصير
الفقير اعله الهوى ايسووله قرعه !!!
بلكت تنكسر عين اليعبرون
اذا فوگ الحدود اكتبلي قطعة
اكتب هالوطن ورّثني الدموع
او عينك عينك انطه الغيري نفعه
گبل بس صورة اسبها او حيل ارتاح
هسه ابكل ركن خلولي تسعه
احس مكسور ، كل مابيه مكسور
او گزاز الروح يذبحني امن اشلعه
جبل همّي او علي واكف او مرعوب
وين الغيره بي ينطيني دفعه !!


[/size]

_________________
<br>
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
محاورة بين طالبة وطالب جامعي بعد ما تخرجى من الجامعة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عاشق الانمي :: قسم المواضيع الادبيية :: منتدى الشعر :: الشعر الشعبي-
انتقل الى: