هذه طريقة المطبق الزبيدي الكويتي الأصلي

الطريقه


نوع السمك : زبيدي

نبدأ بسم الله ..




العدد : 3




1- نغسل السمك من كل الشوائب .


2- نعصر عليه ليمون و نرش عليه ملح


3 - حشوة السمج :


(
2 بصل كبير ، 2 ثوم ، كزبرة ، بقدونس ، شبنت ، بهارات السمك ( مشكله ) )
طبعا نقصصهم صغار صغار وندق الثوم ونحط نص الكميه حشوة داخل السمج ومن برى
ونصها نخشه لبعدين الحشو فوق العيش ..

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 600x450.

الآن بنسوي الحشو للعيش ندق شوية ثوم + بصلة وحده + شبنت وكزبره كميه قليله قد الكف


5-
نخيط السمك من الجانب الذي حشيناه حتى ان قليناه ما تطلع الحشوة حتى يثبت
الحشوه داخل وبعدين نحط زيت على النار تقريبا نص المقلى ونطبق المقلى ونعلي
على النار حتى يسخن الزيت عقب نقلي السمك حتى يتحمش الطرف الاول ونقلبه
على الطرف الثاني بعد مايخلص نكرر العمليه على عدد السمك اللي عندنا حتى
نطفي النار ونحفظ السمك بمكان دافي ..

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 600x450.

6-
الحين نقلي الحشو ( للعيش ) نحط البصل على المقلى بدون زيت ونقلبه على
النار وبعدها نضيف شويه ماء حتى يتحمش يصير لونه بني بعده نضيف الثوم + نص
قطعه زبده + لومي اسود مطحون + بهارات مشكله + رشه هيل + ملح على قد اليد +
كزبره + شبنت اللي جهزناهم بخطوة رقم 4 + نضيف الحشوو السمك اللي خاشين
نصه في البدايه مع حشو العيش ونخلطهم كلهم مع بعض بالمقلى حتى يصير لونه
حلووو مثل الصوره ونقفل على النار ونطبقه ..

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 600x450.

7-
الحين نسوي الدقوس نحط قدر الدقوس على النار نحط فيه نص زبده على النار و
نقص 5 طماط قطع صغيره جدآ ونحطه + ندق 4 فصوص ثوم+ فلفل بارد + لي طبخ نحط 4
فصوص ثوم مقصوصه نصين للنكهه + كمون (بهارات ) + كزبرة ( بهارات ) +
بهارات مشكله + نضيف ماء بالقدر + نضيف ملح على قد اليد +نضيف معجون
ملعقتين تقريبا .

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 600x450.

8-
نحط 5 اكواب عيش ونغسله وبعدين ننقعه نص ساعه وبعدين نحط قدر متوسط فيه
ماء متروس وليمونه وحده نقصها نصين +نص زبده + وقفشة ملح يطبخ شوي بعدين
نضيف عليه شويه زيت


9-
نحط قدر ثاني كبير اول شي نحط فيه نص بصله مقطع صغار + فلفل بارد أي لون
سواء اصفر اخضر احمر انا انوجد عندي الاحمر+ ملح + ثوم + زيت + حشوة اخر ما
تبقى من حشوة السمك بعدين نحط السمك فوقه القدر سمح لي احط سمكتين فوق
الحشوو بعده نحط العيش (الأرز) بعد نصفي الماء منه وهو نيّ وبعدين نحط
الماء اللي بالقدر الثاني اللي فيه الليمون والزبده نحط منه كميه فوق العيش
(الأرز) حتى يغطيه ويكون الماء مرتفع بأصبع تقريبا عن العيش (الأرز)
ونطبقه ونخليه يطبخ بدرجه حراره مرتفعه .. بعد ماينشف شوي العيش (الأرز)
نحط فوقه الزبده




.

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 600x450.

وكل
ما حسينا انه نشف زدنا عليه ماء العيش (الأرز) اللي بالقدر الثاني ..
وبعده نحط اخر سمكه عندنا بعد مايجف العيش وينجح .. ونجهز صحن نضع به الأرز
وبعده السمك ونحط الحشووو اللي مجهزينه للعيش (الأرز)

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 600x450.