تناديك العقيله

[center]
يعبـاس تنـاديــك العقيلـــــــه الخدر راح يبو اجفوف الأصيله

تصيح أم الخدر ياللي تركتوني يطيب
ألكم صدك بالطف تخلوني

ــــــــــــــــــــــــــــــــــــــــــــــ

يبو فاضل يبو الغيـــره يمهيــوب

أنـاديــك بعتـاب يهــز الكلـــــوب

زماني وياي بالطـف دار مكلوب

وخلالي الحزن بكليـبي منصوب

ابد ماحســـبت يوم اليكفلوني يروحون بعجل مني ويهجروني

الكلب ذاب على الحره الجليلــــه

**********************

دخيـلك يالجبتـني من المدينـــــه

ياليـث الوغى اليحرس عرينـــه

شعجب بالطف يشاهدني رهينـه

ويغض ماينتفض حامي الرهينه

ياخويه أشتفوا مني اليطلبوني وبعدكم يالبطل لا مايرحموني

الدمع سال ولابطل مســــــــيله

**********************

يسـبع الكنطره وغيظ الاعادي

ماتســـــمع صدك زينب تنادي

ياخويـه أنتــهض ردني لبلادي

مشوا بختك يكطعــون البوادي

تقبل غيرتــك غيرك يركبوني ولبن أزياد بالمجلس يطبوني

معاناة يبو الوكفــــه النبيلـــــه

**********************

يبو فاضل يبو جفوف الكطيعه

أحشمك يالبقيت على الشـريعه

زينب يالبطـل عنــدك وديعـــه

كوم وسشوي بالباطل كطيعه

ترضه ياكلب زينب يشـتموني وعدوانك يبو فاضل يسبوني

صحت صوت مصايبكم ثجيله

**********************

ياخويـه ورحـت بعدك يســـــيره

وعفتـك عالثره أبحـر الظهيــــره

شــملي بكربلـــــه تبدد مصيـــره

حيره اخلاف شخصك والله حيره

شفت اعداك فزعولي يســــلبوني ويضربون الحرم مره ويضربوني

وأصد عيني على أخواني الجتيله

*********************

شـــحجيلك بعد عن جور الأيام

بيوم الفزعوا وحركولي لأخيام

جم طفله وطفل فر خايف وهام

اوسارت بالظعن للشـــام ظلام

وسمعهم بسم شخصك ينادوني ويدوسون بجرح كلبي ويلجموني

تعنيت ألك ونته الوســـــــــيله

**********************

*************************************

))))))))))))))))))))))))))))))(((((((((((((((((((((((((((((((((

[/center]