حبــــــــــيــــــــــــت

: عدد المساهمات : 405 تاريخ التسجيل : 04/11/2011

حبــــــــــيــــــــــــت

حبيتك بروحي وما حجيت وياك

خفت من اكلك تبتعد عني

وضميتك بروحي وما كلت للناس

ورضيت ابقى بعذابي ولو عتي و وني

بس لشوكت اصبر والصبر محدود

وانت بنظرتك يوميه تكتلني

معروف اليحب بس الكلب ينطيه

وانت شلعت كلبي وماردتني

على جروح الكلب تتمشى من تفوت

ومن دمعات عيني جفوفك تحني

بعيونك سوالف بيهن الف تفسير

وحرت يانظره منهن انت قاصدني

اريدك تحس بعذابي ومثلي كون تعيش

ليش انة الوحيد الشوك ماكلني؟

وليش انة انهظم واتحمل اللوعات

وانت بكل وقت مرتاح وتغني

أشوفك جوه كلبي أشايل هموم

وأشوفك نار كلبي البية تحركني