جريمه يبكي لها حتى الصخر

ادك زنجيل انته شضارك من كون ادك زنجيل
حكني اعله عمده اتمس ثنايه الروح توجر نار حچيي وگوه بيه اتعيل
دعف وجوز عني ياهو امشي اعليك العمر كضيته سجه وانته تسحك ريل
كون اترد الي ويسعفني كود الحيل
جاشلت الجبل وبراسي ادكن حيل

انته اشضارك من احزن بعاشور ومن تنتخي ادموعي وتنتفض وتسيل
كون اترد الي اتلثم بآهات وابوك الهندس والبسه من الليل
وكون ترد الي بعيوني ادك شلال ولوترهم اخدودي احفره نهر النيل

انته اشضارك من اطبخ بعاشور تسويني ابرهة وجدر الهريسه الفيل
وترميني بكل حجر مو بس حجر سجيل

انته شراح منك كون اعلك اعلام وعلى راس العلم اسم الحسين ايشيل
مو حتى اعله العرش تلكه الرايات السود وتلبس كلها اسود حتى جبرائيل
نوح الدنيه هزه والله علم نوح سويلك سفينه من يجيك السيل
سواله سفينه وطمها جف الكاع وسفينتنه الحسين الابد عيب أتميل

الطم كفروني ابجي كالو عيب راوني المرار وضوكوني الويل
نتمرمر صدك بس مانجرعه الويل
وشواربنه اتخافك على احسوس الخيل
ومن نطلع نجفل جن زراك اسهيل
ومن نطلع شمس ينخطف وجه الليل
وطبع گهوه انتونس على الدك الحيل
الموت يمك إنشده ، وكله وك ياموت لمن فتحت ياهو الإلك معميل
الزمن كبلك تلاوه ويه القضيه اسنين لحد ماصاح كافي وبويه انه ادخيل

انته اشضارك لو زرنه مشايه
نزور احنه الكفيل الگد الحجايه
كسر خشم الفرات وماشرب مايه
نعم كد الكفاله وعدنه بيها اشهود طاحت ركبته وماطاحت الرايه

إنته شسودنك من كون أدگ قامة
هي الهامة إلك لو مالتي الهامة
وهو الخاطرك والخاطر المجموع روح حسين اجت للموت محتامه
جتفها المنايه وإجت تمشي وياه وهدت غيرته وجت تمشي جدامه
من مفتاح دمه فك وثاق الدين ، الدين موش منرمه بزنزانة اعدامه