ابو ذيات

عليكم ما نشف دمعي ولا راح
وعلي جور الوكت لازك ولاراح
يريت المضى يرجع ولاراح

واحجيله بغيابه اصار بيه
\\\\\\\\\\\\\\\\\\\\\\\\\\\\\\\\\
اخبرنك نزيف الكلب هم صار
وعليه اليوم حبك زاد هم صار
تريد الروح وانه الكلت هم صار

شلي بروحي لون تبعد عليه
\\\\\\\\\\\\\\\\\\\\\\\\\\\\\\\\
عليكم دمع عيني هل سكاني
وتزامطني بدهري هل سكاني
تكلي شهد وكتي هل سكاني

وانه طعم الملح ما مر عليه
\\\\\\\\\\\\\\\\\\\\\\\\\\\\\\\
حبيبي شرد اوصفك ورد جوراي
يمن حبك جرحني وزاد جوراي
تعبت اعليك وانت طلبت جوراي

امص خدك وارجع الخرده ميه
\\\\\\\\\\\\\\\\\\\\\\\\\\\\\\\