رنا الناصري
Admin
عدد المساهمات : 1635
تاريخ التسجيل : 09/11/2011
 |  موضوع: دارميات على باب علي عليه السلام  الأربعاء أبريل 25, 2012 9:32 am | |
|
كُلْ مَنْ نَخَه الكرار أبداً فلا إيطيـــــــح == يحظَه إبأمان إو خير لو بِسْمَه إيصيح
يِحْظَه إبأمان إو خير كُلْ مَنْ يجيلـه == زايــــر لبو الحسنيين يصبح دخيله
زاير لبو الحسنيين لو يمّه إتصير == كُل الهموم إتزول بأمرك فلا إتحير
كُل الهموم إتزول يم حامي الجــــــار == بس زوره إنتَ إو صيح وينك يكرار
بس زوره إنتَ إو صيح جيتك يوالي == بيك إنتَ كُل رجواي يبن المعالـــي
بيك إنتَ كُل رجواي يمّك قضيتي == ياسيدي المهيوب وقّع هويتــــــي
ياسيدي المهيوب عشگي فلا إيـزول == جيتك يعالي الشان مو إنتَ مأمول
جيتك يعالي الشان عندي أمل بيــــك == تشفعلــي يابو إحسين يوم إل ( ألاگيك )
تشفعلي يابو إحسين يوم القيامــــــــه == تسگيني صافي الماي حب إو كرامه
تسگيني صافي الماي وأهتف ونـادي == مولاي أبو الحسنيين حقّق مُرادي
مولاي أبو الحسنيين شافع إلي اليـوم == والزهره والمُختار مسحولي الهموم
والزهره والمختار عرفوني شيعـــي == ياروحي هذا الفوز طيعيني طيعي
| |
|
