أنته شفيعي ... ياكرار

يوم العرض بالمحشر... تحضرني حيدر حيدر


ينادي الشيعي ... ياكرار.... أنته شفيعي ... ياكرار


******************


يوم التـطاير الكتـب ... ولـو زاغـت الأبصـار


ويوم البشر تشوف العجب ... وتتواله الأخطار


أدري بهـواه آنـه الـكلـب ... يم حـيدر الـكرار


أحضـرني يا حـيدر ينـب ... يا وصـي المخـتار


تسـقـيني كاس الكوثر ... حاشاك حيدر تتأخر


ينادي الشيعي .. ياكرار.... أنته شفيعي .. ياكرار


**************


بذيج المواضع والخطر ...والحسره والآلام


تتبـره أنطـيك الخـبر ... الأبـن والأرحـام


ونفسي تصيح كل البشر ... لا أخو لا أعمام


خوف ودمع ، هم وكدر ... وإنادي الأمام


وهذا الصوت اليتكرر ... أنادي حيدر أحضر


ينادي الشيعي .. ياكرار.... أنته شفيعي .. ياكرار


*****************


كل المواضع مرعبه ... يا حيدر أحضرها


وسكن الكلوب المُرهَبَه ... وبنظرتك سرها


وأن كانت هيه مذنبه ... رجواها حيدرها


ياعلي وهاي المنقبه ... بس أنته مصدرها


يا حيدر بهذا المنظر ... بس شوفتك نتنطر


ينادي الشيعي .. ياكرار.... أنته شفيعي .. ياكرار


************


ياعلي المحشر أذكره ... وتذهلني أهواله


وأبجي وأنوحن عل الجره ... وعيوني هماله


وذنوبي أدري معسره ... ومتوني حماله


لاجن رجائي حيدره ... وحب النبي وآله


حيدر رجائي وبي أفخر ... وبالمحشر بسمه أتبختر


ينادي الشيعي .. ياكرار.... أنته شفيعي .. ياكرار


***************


ياويلي لمن ينعرض ... أكتابي وأفعالي


والصدر مني ينقبض ... وتتبدل أحوالي


وأعمالي كلها ترفض ... وما تنفع أموالي


وأهلي وأبنائي هم تفض ... ياحيدر أكبالي


من غيرك حيدر يكدر ... بذيج المواضع يحضر


ينادي الشيعي .. ياكرار.... أنته شفيعي .. ياكرار


**************


لو تفرقوا عني الأهل ... ياعلي ما أهتم


ولو ما بقت ذرة عمل ... بولايتك أسلم


ومحبتك هيا الأمل ... هي تسري ويه الدم


وأسمك أبكلبي من الأزل ... ياحيدر أتوسم


أسمك أبكلبي من الذر ... وبيه تطفه نار التسعر


ينادي الشيعي .. ياكرار.... أنته شفيعي .. ياكرار